Lëvizja Vetëvendosje thekson se ditët e fundit aktivistët e saj kanë qenë nën shënjestrën e dhunës policore dhe përndjekjes dhe qindra prej tyre kanë qenë nëpër burgje.
“Prej tyre, ende po mbahen nëpër qeli aktivistët Valdrin Ahmeti, Egzon Balaj, Pajtim Demaj dhe Trim Gashi, të cilëve u është zgjatur vendimi për paraburgim edhe për dy muaj. Të gjithë këta aktivistë janë të pafajshëm. Ata janë në burg vetëm për shkak të faktit që janë aktivistë të Lëvizjes Vetëvendosje”.
“Familjet e këtyre aktivistëve nuk do t’i kenë ata pranë në periudhën festive të fundvitit. Shokët e shoqet e tyre nuk i kanë pranë për punët e përditshme. Të gjitha këto, vetëm për shkak të hakmarrjes joligjore e jolegjitime të qeverisë Mustafa-Thaçi, së cilës po i afrohet fundi. Lirojini aktivistët. Qeverisë policore i mbeten vetëm pak ditë”, thuhet në reagimin e VV-së.
/tesheshi.com/
