Përpjekja për të vjedhur dru ka qenë pothuajse fatale për dy burra që po “dhunonin” pyllin në një fshat në periferi të Vushtrrisë.
Kjo pasi roja e pyllit ka reaguar me mjete të mprehta për të larguar burrat që ilegalisht donin të pritnin drutë në pronën publike në rrethinat e qytetit.
Dy burrat kanë pësuar lëndime të konsiderueshme trupore pas përleshjes me rojën.
Të tre personat e përfshirë në rast janë arrestuar – roja e pyllit është dërguar në paraburgim, kurse të lënduarit po trajtohen.
Vjedhja e druve konsiderohet e paligjshme dhe dënohet zakonisht me gjobë, por në pamundësi të pagesës edhe me burgim. Dënimet e mëhershme për aktivitetet e tilla sillen rreth 1000 euro. /tesheshi.com/
