Zbardhen të tjera detaje nga ngjarja e ndodhur në orët e para të mëngjesit të sotëm në Shkodër, ku në derën e banesës së një shtetasi u vendos një sasi eksplozivi.
Mësohet se 58-vjeçarit që iu vendos tritoli është Rrok Pepaj, ish-efektiv policie. Nga shpërthimi nuk ka pasur lëndime në njerëz, por vetëm dëme material.
Pepaj, mësohet se është dënuar me 5 vjet burg, pasi ka qenë njëri nga 4 personat e arrestuar në 2005 për transport eksplozivi nga Mali i Zi në drejtim të Shqipërisë, raporton Report tv.
Sipas informacioneve, të arrestuarit në 2005-ën u kapën me disa bomba me telekomandë të përgatitura në Beograd, ndërsa u futën në Shqipëri përmes Malit të Zi.
Në 2010, ish-efektivi i policisë ka dalë nga burgu, ndërsa nuk dihet nëse shpërthimi i sotëm ka lidhje me arrestimin në 2005 apo ngjarje të tjera më pas.
Policia duke nisur hetimet për zbardhjen e ngjarjes dhe arrestimin e autorëve, ndërkohë që është marrë në pyetje edhe 58-vjeçari. /tesheshi.com/
