Vullnetari serb në ushtrinë e LNR-së, Stefan Dimitrijeviç, ka vdekur dje në frontin afër Luganskut, shkruan gazeta serbe Pravda.
“Dimitrijeviç është vullnetar që nga viti 2014 në Republikën Popullore të Luganskut, ku është shpërblyer për meritat e tij. Ai erdhi në Serbi para disa vitesh, ku autoritetet lokale e dënuan për pjesëmarrje në luftë, por ai shpejt u kthye në Republikën Popullore të Luganskut”, shkruan pravda dhe thekson se Dimitrijeviç ka vdekur kur automjeti i blinduar në të cilin ndodhej është goditur nga ushtria ukrainase.
“Ai ka arritur të dalë nga automjeti i djegur në të cilin kanë mbetur të vrarë bashkëluftëtarët e tij, por nga plagët e marra ka ndërruar jetë”, saktëson Pravda.
Lajmin e ka konfirmuar Stevan Millosheviç, një vullnetar serb i cili po lufton në krah të separatistëve në Ukrainë.
“Këtë mëngjes, ish-shoku im Stefan Dimitrijeviç u vra në një sulm nga. Atij i qoftë lavdia përjetë.”
Gjithashtu, në rrjetin rus VKontakte, ky lajm është publikuar në profile të shumta. /tesheshi.com/
