Vullkani Etna në jug të Italisë, më saktë në ishullin e Siçilisë, po nxjerr sërish hi dhe llavë.
Një nga vullkanet më aktivë të Evropës ka shpërthyer sërish dhe po nxjerr llavë. Aktiviteti vullkanik vazhdon në Etna, e cila është rreth 3300 metra e lartë.
Krateri aktiv juglindor i vullkanit, i cili u bë aktiv për herë të parë këtë muaj, hodhi sërish hi dhe lavë fundjavën e kaluar. Rrjedha e llavës zbriti në shpatet me borë të Etna-s.
Instituti Kombëtar Italian i Gjeofizikës dhe Vullkanologjisë (INGV) deklaroi se aktiviteti vullkanik në Etna ishte i kufizuar në kraterin juglindor.
INGV ka lëshuar një paralajmërim për avionët që kalojnë nëpër rajon dhe është thënë se aeroporti Fontanarossa i Catania-s nuk është prekur nga aktiviteti i fundit vullkanik.
Mali Etna është vullkani më i madh dhe më aktiv në Evropë. Shpërthimet e tij të shpeshta shoqërohen shpesh me rrjedha të mëdha llave, por ato rrallë paraqesin rrezik për zonat e populluara.
Etna është një nga vullkanet me të dhënat më të gjata historike të shpërthimeve, që shtrihet më shumë se 2000 vjet më parë. /tesheshi.com/
