Kryeministri serb Aleksandër Vuçiq është thirrur me urgjencë në Moskë në një vizitë misterioze, për të cilën mediat ruse dhe serbe theksojnë se është “private”
Një ditë pasi u anonccua në Beograd se Vuçiq mund të fusë në qeveri shqiptarët, ai është nisur me shpejtësi pwr nw Kremlin ku do të takohet me Presidentin Vladimir Putin dhe kryeministrin Dimitar Medvedev.
Portali propogandistik rus i financuar nga Kremlini, Sputnik, ka cituar zëdhënësin e presidentit rus, Dmitry Peskov, i cili ka konfirmuar thirrjen me urgjencë të kryeministrit serb në Moskë.
Peskov jo rastësisht e ka cilësuar këtë vizitë si “private”, gjë që ka sjellë komente të forta nga mediat serbe të opozitës së moderuar, që e kanë përshkruar si relacion vasaliteti.
Vuçiq ka qenë zyrtarisht në Rusi 25 nëntorin e shkuar dhe vizita e sotme nuk ishte parashikuar në asnjë axhendë dhe protokoll.
B92 thekson se javën e shkuar Vuçiq është takuar me ambasadorin rus në Beograd, Aleksandr Chepurin, me të cilin ka diskutuar për “nivelin e lartë të marrëdhënieve ndërmjet dy vendeve dhe rritjen e bashkëpunimit, duke ruajtur sovranitetin dhe pavarësinë e Serbisë”.
Përmendja e “pavarësisë së Serbisë”, sipas mediave serbe është një kleçkë mjaft e koklavitur që ndërlikon situatën. /tesheshi.com/
