Presidenti serb Aleksandar Vuçiç iu drejtuar me një fjalim televiziv qytetarëve të Serbisë, ku veçoi Kosovën, më saktë propozimin e përfolur franko-gjerman.
“Në pajtim me marrëveshjen që kam bërë me kryeministren e Serbisë dhe disa kompetenca kushtetuese që kanë të bëjnë me përfaqësimin e vendit si në territorin tonë ashtu edhe jashtë saj, dëshiroj t’i informoj qytetarët e Serbisë për të gjitha ngjarjet e rëndësishme”, filloi Vuçiç, duke nisur me Kosovën.
“Pozicioni ynë po bëhet gjithnjë e më i ndërlikuar. Vendet perëndimore do të përpiqen, siç mendojnë ata, të zgjidhin problemin e Kosovës duke e futur të ashtuquajturën Kosovë në OKB për t’ia hequr atë argument Vladimir Putinit dhe Rusisë”, tha Vuçiç.
Ai theksoi se kjo do të thotë konkretisht se arkitektura e bisedës po ndryshon. Ai zbuloi se ishte një propozim nga Gjermania dhe Franca që duhej ta diskutonte dhe ta mendonte.
“Nuk mund të flakësh një propozim që vjen nga dy vendet më të fuqishme, por nuk jam i sigurt se mund ta pranojmë”, tha Vuçiç.
Ai shtoi se Serbia e ka kuptuar mesazhin e politikës së forcës dhe se e kupton që e drejta ndërkombëtare është shkatërruar shumë kohë më parë dhe se ekziston vetëm ligji i forcës.
“Si shtet, ne nuk kemi zgjidhje tjetër veçse t’i referohemi ligjit ndërkombëtar publik”, tha Vuçiç.
Fjalimi vazhdon… /tesheshi.com/
