Presidenti serb Aleksandar Vuçiç njoftoi të premten në mbrëmje vonë se do të shkojë të shtunën në Kosovë, në vizitën e tij të planfikuar më herët.
Kjo vizitë, si dhe vazhdimi i bisedimeve për normalizimin e marrëdhënieve mes Prishtinës dhe Beogradit, u vu në pikëpyetje pasi Prishtina ia ndaloi Vuçiçit të vizitonte dhe sistemin furnizimit me ujë të Gazivodës në veri të Kosovës.
“Unë u ballafaqova me një ndalim për të vizituar Gazivodën, në formë të shkruar, që do të thoshte se nëse une shkoja atje, do të përfundoja si Marko Gjuriç. Kjo ishte arsyeja pse unë nuk mund të flas me përfaqësuesit e Kosovës, por që nuk do të thotë se ne e kemi ndalur dialogun. Ne do të duhet të vazhdojmë të flasim për shkak se ajo është jetike për të ruajtur paqen”, tha Vuçiç në një fjalim publik.
Presidenti i Serbisë ka njoftuar se vizita e së shtunës në Kosovë, nis pikërisht me vizitën e Gazivodë dhe Qendrës Mjedisore në liqenin me të njëjtin emër. /tesheshi.com/
