Presidenti serb, Aleksandar Vucic ka thënë se në Srebrenicë ka ndodhur një krim i tmerrshëm dhe se sinqerisht solidarizohet me familjet e viktimave.
Gjatë një emisioni televiziv, ai tha se tani marrëdhëniet mes serbëve dhe boshnjakëve janë të një rëndësie jetike për të ardhmen dhe se të dy popujt kanë nevojë për njëri-tjetrin.
Vuçiç tha se Serbia nuk kishte marrë një ftesë për shënimin e përvjetorit të krimeve në Potoçar dhe se ata që kanë shkuar prej Serbisë atje më herët, mund të shprehin opinionin e tyre dhe thonë se atje ka pasur një gjenocid.
Sipas tij, është e rëndësishme që një gjë e tillë të mos lejohet t’i ndodhë as një kombi; por ai dha shifrën pezmatuese se 80 ose 90 për qind e qytetarëve të Serbisë nuk mendojnë se në Srebrenicë është kryer një krim i tmerrshëm.
“Një krim i tillë i përmasave të mëdha nuk guxon të lejohet të përsëritet kundër asnjë kombi tjetër. Ne kemi derdhur tepër gjak, andaj duhet të shikojmë të ardhmen”, ka thënë Vuçiç, duke shtuar se ai beson se marrëdhëniet mes serbëve dhe boshnjakëve janë të rëndësishme për të ardhmen, dhe se gjatë kohës sa do të jetë president do të punojë në drejtim të ruajtjes së interesave kombëtare dhe shtetërore serbe.
Ai ka thënë se të rinjtë, në mesin e tyre edhe biri i tij Danilo, nuk pajtohen me të.
“Danilo do të më thojë: ‘Çdo gjë ishte në rregull, përveç asaj në Srebrenicë. Unë do t’i them që të presë edhe pesë vjet, dhe do të mendojë ndryshe … Si i ri kam qenë ndoshta më i keq se ai’, shtoi Vuçiç, duke porositur se ‘vetëm gomari nuk ndryshon’”. /tesheshi.com/
