Presidenti i Serbisë, Aleksandër Vuçiç i ka kërkuar krerëve të Kosovës se duhet të bëjnë lëshime të mëdha në negociatat me Beogradin, përndryshe tha ai “si ne dhe ata do të bëjmë një gabim të madh historik”.
Vuçiç nuk tha se kush duhet të jetë “konçensioni apo lëshimi” që duhet të bëjnë shqiptarët, por shtoi se Beogradi nuk do të njohë pavarësinë e Kosovës, duke nënkuptuar se megjithatë Serbia do ta heqë Kosovën nga juridiksioni i saj.
Vuçiç, i cili është në një vizitë zyrtare në Austri, falënderoi kancelarin Sebastian Kurz për mbështetjen e Serbisë dhe shtoi se “Tani na takon ne që të bëjmë pjesën tonë të detyrës. Problemi më i madh është, sigurisht duhet një zgjidhje për çështjen e Kosovës. Për këtë arsye filluam një dialog mes nesh dhe ne duhet të gjejmë një kompromis, ku shqiptarët dhe serbët do të duhet të bëjnë lëshime. Nëse nuk arrijmë në këtë, ne do të kemi bërë një gabim tjetër në historinë e dy popujve më të mëdha në Ballkan”, tha presidenti serb.
Vuçiç shtoi se ai u takua disa herë me përfaqësuesit e shqiptarëve të Kosovës, dhe tha se përparimi më i madh është se nuk ka pasur asnjë konflikt etnik në pesë vitet e fundit.
Vuçiç në të njëjtën kohë dha një mesazh për shqiptarët, duke thënë se Serbia nuk do ta njohë pavarësinë e Kosovës
“Pa Serbinë nuk ka anëtarësim në OKB, pa Serbinë nuk ka anëtarësi në Interpol, pa Serbi nuk ka vizita shtetërore në Kinë apo Rusi”, theksoi Vuçiç.
Ai shtoi se “të gjitha kartat janë në tavolinë” dhe se nëse shqiptarët bëjnë lëshimet e duhura mund të ketë një zgjidhje.
Pastaj të gjitha dyert e Evropës do të hapen për Serbinë. Natyrisht, ne duhet të përmirësojmë sundimin e ligjit, por në anën tjetër, ne i nënshtrojmë financat tona”, tha presidenti i Serbisë. /tesheshi.com/
