Takimi i shumëpritur në Bruksel mes Thaçit dhe Vuçiçit nuk u zhvillua. Shkak është bërë presidenti serb, i cili nuk i qasur dialogimit me homologun kosovar, gjë është përkthyer si bojkot. Megjithatë, Thaçi u përpoq ta minimizojë dështimin e raundit të radhës, duke ia lënë vështirësive të rrugës drejt paqtimit.
“Ka shumë takime të rënda, me gjasë shumë të vogla për marrëveshje, por dialogu duhet të vazhdojë. Ka pengesa të mëdha, ka dallime të mëdha, por dialogu për paqe e fqinjësi të mirë nuk ka alternativë. Është një konflikt një shekullor dhe nuk mund të zgjidhen brenda një ditë, jave por njerëzit meritojnë paqe edhe marrëveshje”, tha Thaçi.
Nga ana tjetër, znj. Mogherini, tha se dialogu do të vazhdojë paçka vështirësive.
“Kam mbajtur disa raunde bisedimesh bilaterale me të dy presidentët, për të gjitha çështjet në tryezë. Vështirësitë mbeten. Unë besoj në angazhimin e plotë të të dy presidentëve për të vazhduar procesin dhe për të arritur në muajt e ardhshëm një marrëveshje ligjërisht të detyrueshme për një normalizim të plotë të marrëdhënieve, në përputhje me ligjin ndërkombëtar”, tha znj. Mogherini. /tesheshi.com/
