Për përballjen e pritshme në çerekfinalet e Botërorit mes Rusisë dhe Kroacisë, Presidenti serb Aleksandar Vuçiç është treguar i sinqertë në shpalljen e preferencë së tij.
Mes miqve e armiqve, sigurisht që ai ka zgjedhur të parët për të bërë tifo.
Megjithatë, si për t’u treguar realist dhe i moderuar, Vuçiç ka rezervuar një vlerësim për pasardhësit e ustashëve, siç cilësohen kroatët nga serbët, duke iu referuar regjimit kolaboracionist të Zagrebit gjatë Luftës së Dytë Botërore, në konflikt me serbët komunistë.
“Unë mendoj se Kroacia ka një nga skuadrat më të mira të Botërorit, por është e vërtetë që unë do të jem me me Rusinë dhe do i gëzohem fitores së saj” tha Vuçiç. /tesheshi.com/
