Presidenti i Serbisë, Aleksandar Vuçiç, ka deklaruar se situata në Serbi sa i përket pushtimit rus në Ukrainë, nuk është aspak naive.
I pyetur nëse Serbia do të mbajë pasojat e mosvendosjes së sanksioneve ndaj Rusisë, si dhe duke komentuar postimin e Karl Bildt në Tëitter se Serbia mund t’i thotë lamtumirë BE-së, presidenti serb vuri në dukje se kjo “ka të bëjë me mbijetesën e më të fortit mbi të dobëtin”.
“Nuk më kujtohet një situatë kaq e vështirë, për të cituar Lauseviç, ku ‘një vit kalon, por një ditë kurrë’. Ndihem i plakur në tre ditë po aq sa në 10 vjet”, tha Vuçiq, duke komentuar situatën në Ukrainë dhe presion ndaj Serbisë për të vendosur sanksione.
Duke folur për kërkesën e Kosovës për anëtarësim urgjent në NATO, Vuçiç thekson se kjo nuk është një ide e re.
“E kam dëgjuar për herë të parë para disa muajsh, nuk është ide e shqiptarëve nga Kosova, është ide e politikanëve nga Shtetet e Bashkuara të Amerikës”, tha presidenti i Serbisë.
Sipas tij, ata duan t’i detyrojnë katër vendet anëtare të NATO-s të BE-së që ta njohin Kosovën e pavarur.
“Situata nuk është naive për ne, por kushdo që e njeh Kosovën, Serbia do t’i përmbahet ligjit ndërkombëtar, ne do të respektojmë integritetin territorial dhe kjo është Serbia”, tha ai.
“Pavarësisht të gjitha presioneve dhe shantazheve, ne do ta ruajmë integritetin tonë territorial”, theksoi Vuçiç. /tesheshi.com/
