Presidenti Vuçiç e ka vlerësuar sidomos në terma ekonomikë, marrëveshjen për një “Shengen ballkanik”, pas takimit të dytë në Ohër, ku inisiativës pritet t’i bashkohet dhe Bosnja e Mali i Zi, por ende jo Kosova.
E pagëzuar nga Rama si ‘Wester Balkan Schengen’, Vuçiç tha se bëhet fjalë për një projekt me përfitime të mëdha ekonomike. “Kjo është një nismë shumë e rëndësishme dhe krenohem që në një kohë shumë të shkurtër po bëjmë një punë të rëndësishme për vendet tona.
Unë do të flas për punët konkrete. Kur do të mundësojmë një shërbim më të shpejtë. Kjo do të sjellë kursim për qytetarët e tre vendeve. Do ta rrisim tërheqjen e tre shteteve për investime të drejtpërdrejta të huaja. Bashkë ne do të krijojmë një ambient më të mirë. Që qytetarët të lëvizin vetëm me letërnjoftime. Do ta rrisim numrin e të huajve që do të shpenzojnë para në vendet tona. Ndryshimet janë të mëdha por unë jam i shqetësuar. Shumë njerëz në këto momente nuk e kuptojnë”, tha Vuçiç, duke shtuar se “nga kjo marrëveshje të tre vendet do të kursejnë rreth 260 milionë dollarë”. /tesheshi.com/
