“Serbia është gjithmonë e gatshme për bisedime dhe kompromis, dhe kurrë për poshtërim,” tha Presidenti serb Aleksandar Vuçiç të premten pas bisedimeve me zyrtarë të lartë të SHBA dhe BE, duke njoftuar se dialogu për Kosovën do të rifillonte së shpejti. “Ditë, jo javë”.
Vuçiç i përshkroi bisedimet me të dërguarit e Shteteve të Bashkuara dhe Bashkimit Evropian në negociatat me Kosovën, Matthew Palmer dhe Miroslav Lajçák, si “të sakta”, duke theksuar se Serbia nuk dëshiron ta ngrijë konfliktin ose t’u lerë konflikte brezave të ardhshëm.
Vuçiç tha se gjatë takimit me Palmer dhe Lajçák të enjten, ai “përsëriti disa herë se Serbia nuk është në favor të një konflikti të ngrirë“.
“Ne jemi gati të diskutojmë zgjidhje kompromisi, por jo poshtërimin e Serbisë,” tha Vuçiç, duke theksuar se ai ishte i gatshëm të diskutonte dialogun me Kosovën me opozitën joparlamentare.
Ne nuk kemi ditë të lehta para nesh, vlerësoi Vuçiç në prag të bisedimeve të pritshme me udhëheqësit e shqiptarëve të Kosovës.
“Unë jam duke shkuar në Bruksel për bisedime me shqiptarët, shpresoj se do të kemi mjaft mençuri dhe mbështetje për të bërë gjëra të mira për vendin tonë,” tha Vuçiç në një fjalim për publikun serb.
Ai theksoi se “Serbia është plotësisht e gatshme për dialog mbi shqiptarët e zhdukur gjatë luftës”, por kërkoi që “ata të tregojnë të njëjtën përgjegjësi ndaj serbëve të vrarë në Kosovë dhe Metohi”. /tesheshi.com/
