Presidenti i Serbisë, Aleksandar Vuçiç tha se është ende i gatshëm për të biseduar me përfaqësuesit e Prishtinës në zgjidhjen e problemit të Kosovës, por duket se “shansi për një rezultat pozitiv është më i vogël se më parë.”
Duke cekur çështjen e kufijve, Vuçiç tha “donte që të vendoseshin kufijtë midis serbëve dhe shqiptarëve, të cilat tani askush nuk e di se ku janë”.
“Askush në botë nuk e di se ku janë kufijtë dhe kam menduar se është e rëndësishme për të ardhmen që ne t’i përcaktojmë ato, në mënyrë që të kemi paqe dhe stabilitet me shqiptarët për 100 apo 200 vitet e ardhshme”, tha Vuçiç.
Presidenti serb tha se shqetësohet nga “disa vota nga komuniteti ndërkombëtar që kundërshtojnë ndryshimin e kufijve dhe pretendojnë se hap ‘Kutinë e Pandorës’”. /tesheshi.com/
