Njohja e Kosovës nuk do të jetë tema e bisedimeve në 27 qershor në Uashington, dhe as nuk do ta lejojmë që të ndodhë, tha Presidenti serb Aleksandar Vuçiç, si reagim i parë ndaj lajmit të dhënë nga Richard Grenell për rinisjen e dialogut nën hyqmin amerikan.
Ai tha se ishte në kontakt me të gjithë ata që merren me këtë çështje çdo ditë, dhe shtoi se ai kishte turp të përgjigjej në një mënyrë serioze për njohjen e Kosovës nga ana e Serbisë.
“Nuk do të jetë as temë e as nuk do ta lejojmë që të jetë temë”, u tha Vuçiç gazetarëve.
Vuçiç tha se ai priste një bisedë të mirë me të dërguarin e BE-së për dialog Miroslav Lajcek dhe një vizitë të shkëlqyeshme në Federatën Ruse.
“Ne do të shohim nëse shqiptarët do ta respektojnë atë që tha Richard Grenell për mos kandidimin në organizata ndërkombëtare. Hashim Thaçi nuk e dëshiroi atë. Unë fola për këtë për katër vjet, dhe tani ai e ka pranuar papritur atë,” tha Vuçiç. /tesheshi.com/
