Ndërsa presidenti Thaçi është përpjekur t’i japë nota sentimentale vizitës së tij në liqenin e Ujmanit në Veri, duke e përshkruar me romanticizëm atë që e quajti “bukuri të vendit të tij”, homologu i tij në Beograd, Aleksandër Vuçiç e ka parë qartazi si një “provokacija”.
“Sot autoritetet e Prishtinës për herë të tretë në muajt e fundit, në mënyrën më provokuese të mundshme kanë kërcënuar dhe sulmuar paqen dhe është tentuar që nga Serbia të marrin përgjigje e cila do të mund të përdorej për demonizimin e shtetit tonë, së bashku me pjesëmarrjen e bashkësisë ndërkombëtare”, deklaroi Vuçiç para medias, duke u shfaqur i irrituar për shkeljen e Thaçit në Ujman, që është dhe në një farë mënyrë si “Nëndetësja 105” te “Ballë për Ballë”, të cilën e pretendonin edhe rusët edhe shqiptarët. Ujmani, ose ndryshe Gazivoda, pretendohet nga dy palët..
“A keni dëgjuan ndonjëherë që një president të shkojë për të pirë kafe nën shoqërinë e trupave të armatosura”, pyeti komentoi Vuçiç, referuar thënies së presidentit kosovar se “ishte atje për të pirë kafe”.
“Ata nuk kanë çfarë të kërkojnë në veri të Kosovës të armatosur”, shtoi Vuçiç.
Sipas presidentit serb, me aktin e djeshëm të pranisë së Njësive Speciale të Kosovës në Veri, janë shkelur disa marrëveshje.
“Është shkelur neni i nëntë i marrëveshjes së parë të Brukselit, i cili rregullon zinxhirin komandues, ndërsa serbët në asnjë mënyrë nuk kanë qenë të informuar për këtë aksion ushtarak. Mes tjerash të gjithë 110 deri 130 anëtarë të ROSU kanë qenë shqiptarë të cilët nuk kishin lidhje me Policinë e Kosovës në veri, dhe as me komandën rajonale, e cila drejtohet nga një serb”, theksoi Vuçiç. /tesheshi.com/
