Presidenti Vuçiç premtoi të ofrojë një ndihmë të madhe financiare për Shqipërinë, në përballje me pasojat e tërmetit të 26 nëntorit.
“Shpreh ngushëllimet e mia për të gjitha familjet e personave që vdiqën në këtë tërmet të tmerrshëm që goditën Shqipërinë. Për aq sa mundëm duke dërguar ekipet e shpëtimit, por besoj se gjithë njerëzit në vend tuaj e kuptuan gjithë simpatinë tonë, falenderoj kryeministrin Rama që na çoi në Durrës, ku pamë fëmijë, prindërit, gjyshërit e tyre që kishin humbur të afërmit.
Qeveria e Serbisë do të marrë një vendim të hënën për të ndihmuar me një vlerë domethënëse Shqipërinë, dhe besoj se do të jetë një nga 2-3 apo 4 donatorët më të mëdhenj për Durrësin, Thumanën e zonat e tjera në Shqipëri”, tha Vuçiç në kuadër të pranisë së tij në Tiranë për Shengenin rajonal.
Ky vendim i tij sjell një situatë të pazakontë për rajonin, ku si Kosova ashtu dhe Serbia, bëhen kontributorë në rindërtim. Siç qenë dhe në operacionet e shpëtimit. /tesheshi.com/
