Presidenti serb Aleksandër Vuçiç përcolli një mesazh përbetues në lidhje me Kosovën, një ditë para se Prishtina të nis zbatimin e një mase reprociteti që ka të bëjë me hyrjen e serbëve në Kosovë dhe me targat e automjteve serbe brenda territorit të Kosovës.
Vuçiç ka paraqitur disa foto, në njërën prej të cilave ishte një bluzë me hartën e Kosovës dhe mbi të flamuri serb me mbishkrimin ‘нема испоруке’, që do të thotë “Nuk heqim dorë”.
Ai tha se nuk ka qenë kurrë në një situatë më të komplikuar dhe më të vështirë për Kosovën sesa sot, raporton Euronews Albania, duke thënë se shqiptarët duhet “të vijnë në vete” dhe “serbët të mos reagojnë ndaj provokimeve”.
“Unë po kërkoj gjithashtu nga përfaqësuesit e vendeve të fuqishme që t’i kushtojnë pak vëmendje të drejtës ndërkombëtare dhe realitetit në terren dhe të mos lejojnë të mbrojturit e tyre të shkaktojnë konflikt.
Unë kërkoj dhe lutem që të ruhet paqja. Unë kam zhvilluar shumë bisedime që nga mbrëmja, veçanërisht me Lajçakun, nëse dikush mendon se 17 marsi mund të ndodhë përsëri, nuk do të ndodhë”, tha Vuçiç, duke iu referuar ngjarjeve të 2004-ës.
Ai vijon të ushqejë mitin se e kundërta është e vërtetë, që në Ballkan “serbë iu bijnë në qafë” popujt rreth e rrotull.
Me këtë tezë të sajuar, Beogradi nuk pranon krimet serbe në luftrat e pas 90-ës në ish-Jugosllavi, kësisoj as kërkon ndjesë. Pos kësaj, tenton të bindë ndërkombëtarët se ata janë viktima e persekutorë. /tesheshi.com/
