Në Serbi ka filluar ndërtimi i stadiumit kombëtar, i cili duhet të përfundojë deri më 1 dhjetor 2026, njoftoi presidenti serb Aleksandar Vuçiç gjatë një turi në punët përgatitore.
Vuçiç po ashtu ka konfirmuar se në këtë stadium në vitin 2028 do të luhet finalja e Ligës së Evropës, si dhe se do të jetë një nga tre më të bukurit në Evropë.
“Kjo është një ëndërr e realizuar, kjo na sjell rritje dhe paga më të larta. Është sikur kemi ardhur diku në dunat e rërës”, tha Vuçiç dhe vazhdoi:
“Ne mendojmë se mund të jetë më i bukuri dhe sigurisht është në tre më të bukurit. Cilat janë pranë tij? Ka shumë stadiume të bukura… Nga më të mëdhenjtë, më i bukuri është stadiumi i Real Madridit. I yni është më shumë bukur se Wembley, Allianz Arena…”.
Ai shtoi se për emrin e stadiumit do të vendosin qytetarët.
Ai shtoi se stadiumi kombëtar i futbollit do të ketë rreth 52 mijë vende dhe do të ndërtohet sipas të gjitha standardeve të UEFA-s. Ndërtimi pritet të kushtojë 257 milionë euro. /tesheshi.com/
