Nga Ylli Pata
Kryeministri i Serbisë, Aleksandër Vuçiç deklaroi se do të shkarkojë ministrin e tij të Mbrojtjes, Bratislav Gashiç pas akuzave se ai ka ofenduar një gazetare të B92.
Gashiç, i cili është akuzuar se ka origjinën e tij shqiptare, duket se po largohet edhe për çështjen e armëve që pritet të blihen nga Rusia.
Gashiç nuk u involvua fare në marrëveshjet për raketat ruse me të cilët u morr personalisht Vuçiç dhe zv/kryeministri rus, Rogozin.
Gashiç, në fakt, pas një replike me një gazetare të B92 tha se se “i pëlqejnë gazetaret të cilat “gjunëzohen shpejt”
Për këtë Vuçiç tha se do ta shkarkojë brenda 15 ditëve edhe me një debat të hapur në parlament.
“Unë nuk kam frikë nga debati publik, nuk kam kërkuar dorëheqjen e tij, por një debat të plotë dhe të hapur mbi këtë çështja”, tha Vuçiç.
Pas 15 ditëve pritet të dalë propozimi për zëvendësin e Gashiçit. Për ministrin e Mbrojtjes së Serbisë, i cili ka lindur në Krushevac, është folur nga disa media serbe por edhe shqiptare, se ka origjinë të largët shqiptare dhe është pjesë e fisit të njohur Gashi.
Përveç Gashiç, u fol edhe për ministrin Rasim Lajiç si një serb që mbiemrin e hershëm e ka pasur Lahi.
Që në muajin dhjetor, Vuçiç pat paralajmëruar se do ta shkarkojë Gashiçin; gjë që përkoi pikërisht me vizitën në Beograd të numrit dy të qeverisë ruse, Rogozin, që solli lajmin e furnizimit të Serbisë me raketat strategjike të fjalës së fundit. /tesheshi.com/
