Presidenti serb Aleksandar Vuçiç tha të dielën se po shqyrton futjen e kundërmasave ndaj Kosovës për shkak të vështirësisë së furnizimit ushqimor në Veri.
“Për ne është e një rëndësie vendimtare që të sigurojmë më shumë mallra për dyqanet, dhe siç e keni parë ka më shumë mallra sesa në ditët e mëparshme”, ka thënë Vuçiç për gazetarët në Beograd, duke komentuar situatën në Veri.
Siç dihet, ditët e fundit atje pati një plan për të ofruar panoramën e një krize, duke prezantur dyqanet bosh, si një formë denoncimi ndaj taksës, për të cilën Beogradi pretendon se ka vështirësuar furnzimin e serbëve të Veriut.
Nga ana tjetër, Vuçiç ka paralajmëruar një vizitë në veri të Kosovës, siç tha, në shtator ose në tetor.
“Do të jetë shtatori apo tetori,” përfundoi Vuçiç, deklaratë kjo që vjen në kohën kur Prishtina ka vendosur të mos lejojë asnjë zyrtar të lartë serb që të hyjë në territorin e Kosovës. /tesheshi.com/
