Presidenti serb, Aleksandër Vuçiç e ka lidhur ankthin e tij nacional të rënies së lindshmërisë në Serbi, me paqen e nevojshme që duhet të arrihet me shqiptarët.
“E vetmja gjë që duam është të përpiqemi të lusim njerëzit që të kuptojnë se sa ka nevojë vendi ynë për fëmijët dhe në këtë kontekst do të vazhdojmë bisedimet me shqiptarët, pa marrë parasysh se as atyre e as ndërmjetësve asgjë nuk u besoj, nuk kemi zgjidhje tjetër”, tha Vuçiç, gjatë paraqitjes së një platforme për shtimin e popullsisë në Serbi.
Vuçiç tha se numri i fëmijëve të sapolindur në Deçan u rrit në 262 foshnja ndërsa në Milanovc të Epërm kanë vdekur 308 persona.
Sipas tij, në varësi të çështjes së Kosovës, Serbia deri në vitin 2060 do të bjerë me 5 milionë banorë, dhe siç tha “për këtë fajtorë nuk janë as Amerika e as Bashkimi Evropian, por vetë serbët”.
“Për këtë arsye është e rëndësishme të zgjidhim çështjen e nyjes të Kosovës. Kjo është në interesin tonë më të mirë dhe ne duhet të krijojmë një atmosferë të tillë ku njerëzit do t’i besojnë paqes, stabilitetit dhe do të duan të qëndrojnë këtu dhe të kenë fëmijë”, theksoi presidenti serb. /tesheshi.com/
