Presidenti i Serbisë Aleksandar Vuçiç tha pas një takimi me përfaqësuesit e BE-së dhe Prishtinës në Bruksel, i cili zgjati më shumë se shtatë orë, se absolutisht nuk është arritur asnjë marrëveshje, transmeton Tanjug.
“Për arsye të paqarta për mua, ne nuk arritëm fare një marrëveshje. Pala serbe ishte krejtësisht konstruktive dhe tekstet që ne pranuam u ndryshuan dhjetë herë, por pala shqiptare gjithmonë shtonte diçka që nuk ishte e mundur”, shpjegoi ai në një deklaratë për gazetarët.
Ai shtoi se do të presë deklaratën e Përfaqësuesit të Lartë për Politikë të Jashtme dhe Siguri të BE-së, Joseph Borrell, se cila do të jetë këshilla e tij.
“Dua të mbledh të gjitha përshtypjet, i ruajta të gjitha letrat. Do t’u drejtohem njerëzve tanë sonte ose nesër, varësisht se kur do të kthehemi”, tha ai.
Vuçiç theksoi se “na presin netë pa gjumë, shumë ditë të vështira”.
“Por ne do të dëgjojmë se cila do të jetë këshilla dhe kërkesa e përfaqësuesit të lartë. Ai kërkoi që të mos aplikojnë gjoba, dhe të mos lëshojmë targa të reja KM, për të cilat kemi thënë se gjithçka është në rregull. Ne do të respektojmë dhe do të veprojmë në përputhje me rrethanat”, tha ai.
Negociatat kanë filluar në Bruksel
Në Bruksel paradite të së hënës u zhvilluan takime urgjente në kuadër të dialogut Kosovë-Serbi, të cilat u thirrën nga Bashkimi Evropian për shkak të krizës së shkaktuar nga targat në Kosovë.
Shefi i diplomacisë evropiane, Josep Borrell, rreth orës 08:00 fillimisht është takuar me kryeministrin e Kosovës, Albin Kurti, e më pas ka nisur biseda me presidentin e Serbisë, Aleksandar Vuçiç, transmeton Beta.
Takimet e ndara u pasuan nga një takim i përbashkët, i ashtuquajturi trepalësh ndërmjet BE-së, Serbisë dhe Kosovës, ndërsa nga pala evropiane, përveç Borrelit, ishte edhe përfaqësuesi special i BE-së për dialogun ndërmjet Kosovës dhe Serbisë, Miroslav Lajçak. /tesheshi.com/
