Presidenca serbe ka konfirmuar një vizitë të Vuçiçit në Tiranë të premten, ku do qëndrojë dy ditë, pra më 20 dhe 21 dhjetor.
Kjo ardhje e tij në Shqipëri është në kuadër të promovimit të “mini-Schengenit”, pas një takimi tresh në Novi Sad, më pas në Ohër, e tani në Tiranë.
Por ky i treti pritet më me interes, pasi vjen në kohën e acarimit të Prishtinës e Tiranës zyrtare me të, pasi deklarimeve që mohojnë masakrën e Raçakut.
Një ditë më parë, Vuçiç bëri një tërheqje të lehtë, duke i përcjellë mesazhin politikës kosovare se ai është për paqe mes dy vendeve.
Nga ana tjetër, zëra mediatikë në Prishtinë i kanë bërë thirrje Ramës që ta refuzojë këtë takim.
Ndaj, pritet që “mini-Schengeni” të rivalizojë me Raçakun në interes mediatik. /tesheshi.com/
