Presidenti serb Aleksandar Vuçiç tha se nuk ishte optimist për bisedimet e ardhshme me përfaqësuesit e Kosovës në Bruksel, por se Beogradi nuk do të heqë dorë nga dialogu.
“Nuk jam optimist, por serbët do të bëjnë përpjekje për të arritur një kompromis”, u tha ai gazetarëve në Beograd.
Vuçiç theksoi se është i shqetësuar për sulmet e shpeshta mbi serbët në Kosovë në ditët e fundit, duke shtuar se kjo ishte një fushatë të frikësimit të popullsisë lokale serbe.
“Deri më tani kemi arritur të ruajmë paqen dhe stabilitetin, por është bërë gjithnjë e më e vështirë, sepse shqiptarët po bëhen gjithnjë e më shumë nervozë”, tha Vuçiç.
Ndërkohë, i pyetur nëse Serbia do tentojë të fusë 1000 anëtarë të forcave të saj të sigurisë në Kosovë, presidenti serb tha se kjo nuk mund të ndodhte pasi do të binte në konflikt me forcën më të madhe ushtarake në botë.
“Nëse përpiqemi të hyjmë me ushtrinë dhe forcën policore në Kosovë, NATO do ta trajtojë atë si një akt armiqësor”, tha presidenti serb. /tesheshi.com/
