Presidenti serb Aleksandar Vuçiç tha mbrëmë në Paris se iniciativa për të hequr taksën për lëvizjen e lirë të mallrave, shërbimeve, kapitalit dhe njerëzve ndërmjet Serbisë, Maqedonisë Veriore dhe Shqipërisë është më domethënëse sesa tërheqja e njohjes së Kosovës.
I pyetur nëse kishte marrë mbështetje për “Mini-Shengenin” nga presidenti francez Emmanuel Macron, Vuçiç u përgjigj se e pakta që mund të thuhej është se ai nuk po përballet me presion.
“Askush nuk mund të thotë që iniciativa mund të jetë shqetësuese, sepse nuk ka asnjë arsye racionale për të. Nisma u mbështet nga SHBA dhe Macron do ta shfaqë mbështetjen publikisht. Por disa vendeve do t’u thuhet të thonë që janë kundër tij, për shkak të diçkaje tjetër, mbase nuk u pëlqen që po e marrin fatin në duart tona “shpjegoi ai.
Ndërkohë, nga takimi i mbrëmshëm në Paris më i qartë nuk doli as presidenti i Kosovës, Hashim Thaçi, i cili vetëm sa përsëriti se ia ka kërkuar Francës liberalizimin e vizave për vendin, si dhe ka premtuar vazhdimësi të punës për paqe me Serbinë. /tesheshi.com/
