Aleksandar Vuçic, në nisje drejt Parisit për t’u takuar me Macron në kuadër të rinisjes së dialogut me Prishtinën, përcolli një mesazh, ku në qendër qe ajo çfarë ka ndodhur dy ditët e fundit në Beograd e Novi Sad, protesta të dhunshme kundër tij.
“Të dashur qytetarë, ju premtova se do të jemi në gjendje të mbrojmë paqen dhe stabilitetin përkundër sulmeve të dhunshme kriminale, huligane nga të cilat jemi të tronditur”, tha Vuçiç.
Ai shtoi se ishte “shokuar sepse Bashkia e qytetit nuk u dëmtua në sulmin nazist në Novi Sad në 1941”, por ai që ishte dëmtuar në demonstratat e natës së kaluar.
Ai tha se “Serbia do të ruajë paqen”, dhe se dorëzimi nuk ishte kurrë një mundësi.
“Unë tani jam duke fluturuar për në Paris, për të luftuar për Serbinë tonë. Shihemi së shpejti, Serbia po fiton!”, shtoi ai.
Një ditë më parë, Vuciç aludoi se protestat e shpërthyera befas, janë një dorë e huaj për ta dobësuar Serbinë para përballjes me Kosovën në Bruksel. /tesheshi.com/
