Vuçiç, me “dy këmbët e para” drejt Berlinit: nuk do merremi për budallenj!

Aleksandar Vuçiç komentoi samitin e pritshëm të Berlinit nën inisiativën e dyshes Merkel – Macron, e ku shpresohet për një kthesë në dialogun e ngecur mes Kosovës dhe Serbisë, kjo për shkak të taksës ndaj mallrave serbe.

E, duke u përqëndruar në këtë të fundit, Vuçiç tha se është e pamundur të ketë dialog pa hequr taksën.

Ndaj, duke iu referuar ambasadorit gjerman në Beograd, i cili ka kërkuar vijim të dialogut pa heqje takse, presidenti serb tha se “kjo nuk mund të ndodhë, nuk jemi budallenj dhe nuk lejojmë që dikush të na nënvlerësojë”.

Ndërsa përfoljeve se në Berlin, në samitin e pritshëm pra, Beogradi mund të japë sinjalin e parë të njohjes së Kosovës, ai iu përgjigj: “Thanë se Vuçiç dhe Bërnabiç do ta njohin Kosovën e pavarur. Unë nuk do të pranoj asgjë atje, apo kudo tjetër…”, tha presidenti serb. /tesheshi.com/