Presidenti serb, Aleksandar Vuçiç i ofroi sot shtetësinë familjes së refugjatit 10-vjeçar Farhad Nuri nga Afganistani, i cili me shitjen e vizatimeve të tij mori pjesë në grumbullimin e fondeve për shërimin e një djali 7-vjeçar nga Serbia. Vuçiç gjithashtu i premtoi punë babait të djalit, në mënyrë që familja të mund të qëndrojë në Serbi.
Vuçiç tha se është dëshira e tij që të mbaj “talentin prej piktori, por edhe atë njerëzor” të Fahradi Nurit dhe familjes së tij.
Vuçiç i ofroi Farhadit të vogël një bursë, në mënyrë që ai të mund të vazhdojë të pikturojë; babait të tij punë; si dhe nënshtetësinë gjithë familjes së tij.
Farhad Nuri, i cili me prindërit e tij qëndron në qendrën për refugjatët në Krnjaca, tha se ai do të donte që të mbetej në Serbi, edhe pse familja e tij ka planifikuar që të shkojë për në Zvicër.
“E imja është që t’ju ofroj që të jeni qytetarë të Serbisë. Ne do të ishim të nderuar në qoftë se ju do të pranonit këtë ofertë”, tha Vuçiç.
“Unë e di se sa kohë keni udhëtuar për të ardhur në Serbi, me sa probleme jeni përballur dhe se dëshira juaj e fundit është që të shkoni në Zvicër. Serbia nuk është e pasur si Zvicra, por ju lutem të vizitoni Beogradin dhe të shihni se sa qytet i bukur është. Nëse ju vendosni të qëndroni në Serbi, ne do t’ua japim nënshtetësinë menjëherë”, tha Vuçiç, me rastin e vizitës së familjes Nuri në selinë e Presidentit të Republikës së Serbisë.
Vuçiç theksoi se Serbia nuk ka suvatues gipsi, dhe shtoi se është i sigurt se babai i tij mund të gjejë një punë, nga e cila familja do të mund të jetojë mirë dhe dinjitetshëm në Serbi.
Kreu i shtetit serbe tha se ka shumë kompani që janë të interesuar për të punësuar babain e Farhadit, sepse atyre u mungojnë mjeshtër të profilit dhe zanatit të tij.
Ai përsëriti se Zvicra është vend më i pasur, por shtoi se ai është i bindur se Beogradi është shumë më i mirë dhe më i bukur të se çdo qytet tjetër zviceran.
Duke nënvizuar faktin se në vetëm dhjetë muaj ai kishte mësuar gjuhën angleze, Vuçiç i tha Farhadit se me talentin e tij ai mund të jetë edhe President i Serbisë, në qoftë se do të dëshironte një gjë të tillë.
“Unë jam Presidenti i pestë i Republikës së Serbisë, ti mund të jesh i 10-ti ose 11-ti. Unë vërtetë mendoj se ti mund të jesh president, vetëm duhet të punosh shumë. Ti ke të gjitha të drejtat që të jesh presidenti i Serbisë”, e porositi Vuçiç.
“Politika jonë është një politikë e miqësisë së sinqertë, solidaritetit dhe dashurisë ndaj refugjatëve e njerëzve që e kërkojnë të ardhmen e tyre, dhe në qoftë se e shihni të ardhmen në Serbi ju mirëpresim në vendin tonë. Kjo varet nga ju, askush nuk ju detyron gjë”, theksoi ai.
Gjatë bisedës me presidentin serb, Fahrad Nuri tha se ai do të donte që të qëndronte në Serbi.
“Unë dua të jetoj në Serbi. Ndihem mirë në Serbi”, tha ai në gjuhën serbe dhe falënderoi Serbinë për çdo gjë që ka bërë për familjen e tij.
“Kur vizatoja diç të këtillë në Afganistan, askush nuk i kushtonte vëmendje”, tha Fahrad.
Në pyetjen e presidentit Vuçiç se sa kohë iu desh për të realizuar vizatimin, djali i vogël u përgjigjj se iu nevojitën 8 deri në 11 orë.
Vuçiç tha se, nëse familja vendos të qëndrojë, ai do të bëj çmos që Fahrad të fitojë një bursë, duke treguar se ka fonde të veçanta për talentet.
Presidenti Vuçiç i premtoi vogëlushit, se nëse e do futbollin, do të përkujdeset që ai të marrë pjesë në ndeshjen midis Serbisë kundër Moldavisë, dhe ndeshjen e Cervena Zvezdës kundër Krasnodarit.
Ai i tha familjes Nuri se dëshiron që ata të ndihen në Serbi si në shtëpi dhe që kohën e kaluar në vend ta mbajnë mend gjithmonë për të mirë. /tesheshi.com/
