Lirimi i “Ramushit –boshnjak”, komandantit të famshëm të Srebrenicës, Naser Oriçit ka trazuar sërish ujrat në Beograd, duke sjellë reagimin e lartë të vetë Presidentit serb Aleksandër Vuçiç, i cili si në rastin e kryeministrin e Kosovës ka marrë pozicionin e viktimës dhe ka sulmuar gjykatën e Bosnjës.
“Asnjë gjykatë nuk mund të fshehë të vërtetën tha Vuçiç”, i cili nuk flet fare mbi gjenocidin ndaj 8 mijë muslimanëve të Bosnjës.
Naser Oriç, ishte komandanti i vullnetarëve të Srebrenicës në mbi një vit kur qyteti martir u mbajt i rrethuar nga trupat e famëkeqit Ratko Mlladiç.
Oriç, ashtu si disa drejtues të UÇK-së në Kosovë është arrestuar si kundërpeshë e lobimit serb që akuzon boshnjakët për krime lufte ndaj serbëve.
Por një gjykatë e Bosnjës e shpalli të pafajshëm Naser Oriçin, i cili identikisht si Ramush Haradinaj u arrestua në Zvicër si pjesë e një fletë-arresti ndërkombëtar serb. Ai u ekstradua në vendin e tij në Bosnjë dhe priti për 2 vjet vendimin e gjykatës.
Në vitin 2006 Naser Oriç u shpall i fajshëm nga Gjykata e Hagës për akuzën “përgjegjësi indirekte” dhe u dënua me dy vjet heqje lirie. Kulmi i akuzës ishte se ai ishte përgjegjës për sulmin ndaj serbëve të Srebrenicës. Në fakt serbët e mbajtën të rrethuar Srebrenicën.
Për boshnjakët, Naser Oriç është një nga heronjtë e rezistencës. /tesheshi.com/
