Presidenti serb Aleksandar Vuçiç tha së fundi se Kosova nuk është e gatshme për zgjidhje kompromisi me Serbinë dhe se konflikti i ngrirë midis dy vendeve vazhdon.
Ai iu rikthye tezës së rishikimit të kufijve, duke thënë se se paraqet një zgjidhje me të cilën, siç theksoi, Serbia do të ishte “po aq e kënaqur dhe po aq e pakënaqur sa edhe shqiptarët”.
Ideja për shkëmbimin e territoreve midis Kosovës dhe Serbisë, të cilën Vuçiç e ka cilësuar si “përkufizim ndërmjet serbëve dhe shqiptarëve”, është promovuar për herë të parë në verë të vitit 2018. Kësaj teze i ka mëshuar dhe presidenti Thaçi, por duke pretenduar për korrigjim kufijsh e jo këmbim territoresh.
Autoritetet në Kosovë përfundimisht e kanë hedhur poshtë idenë e tillë, duke thënë se zgjidhja e mosmarrëveshjeve midis Kosovës dhe Serbisë duhet të përfundojë me njohje reciproke e pa asnjë ndryshim kufijsh. /tesheshi.com/
