Vendimi i qeverisë Haradinaj për të rritur me 100% taksën doganore rë produkteve të importuar serbe dhe boshnjake, ka çuar në tensione mes dy vendeve. Kjo, pasi masa e ndërmarrë erdhi dhe si një kundëreagim ndaj dështimit të Kosovës për t’u anëtarësuar në Interpol, ku faji kryesor iu la lobimit të fuqishëm serb anti-anëtarësim.
Presidenti Vuçiç u takua me përfaqësues të serbëve nga Kosova këtë të enjte, ku tha se janë regjistruar lëvizje të trupave shqiptare në veri.
“Përsëri ata kanë morrë varkën me të cilin lundroi Thaçi në Gazivodë, duke kryer kontrolle në liqen më qëllimin për të treguar muskujt, nën arsyetimin se po kontrollojnë kufirimin e gjelbër për të parandaluar hyrjen e mallrave kontrabandë nga Serbia në Kosovë …”, tha ai.
Po ashtu, presidenti serb komentoi dhe një akt të djegies së produkteve serbe në Kaçanik, duke e krahasuar atë me kohën kur nazistët digjnin librat hebre.
“Kjo është diçka që nuk është parë në botë. Mallrat që u dogjën në Kaçanik ngjanin me djegien e librave hebrenj në Gjermaninë naziste. Ky është lloji më i keq i nazizmit”, tha Vuçiç.
Ai gjithashtu komentoi mbi deklaratat e kryeministrit Ramush Haradinaj, i cili tha se “taksat nuk do të reduktohen derisa Serbia ta njohë Kosovën”.
Vuçiç u përgjigj se Serbia nuk do ta njohë pavarësinë e Kosovës.
Ai beson se pas lëvizjeve së Kosovës “ka disa fuqi të tjera të mëdha që luajnë të pafajshmin”.
“Ne duhet të përgatiten për një luftë të gjatë dhe të vështirë, pasi ne nuk do ta njohim pavarësinë”, shtoi Vuçiç. /tesheshi.com/
