Presidenti serb Vuçiç tha se nuk ishte më për luftë në rajon. Deklarata e tij vjen në një kohë me zhvillime delikate prej sulmit rus në Ukrainë, ku përflitet se Ballkani mund të rindizet sërish, provokuar nga synimet e Moskës dhe aleati i saj rajonal Serbia.
Në një interviste për Kurir, ai potencoi njëherësh se presidenti i Francës, Emmanuel Macron, i ka thënë se askush para Serbisë nuk do të hyjë në Bashkimin Evropian, madje as Ukraina.
“Këtë e them që populli ta dijë se shteti nuk është lodër. Në situata të tilla kur lufta është e ndezur, duhet t’u tregosh njerëzve shumë vendosmëri, por të kujdesesh për njerëzit.
Nuk dua t’ia kthej fëmijën asnjë nëne në arkivol derisa jam president. Nuk do të doja që politika e askujt të më çonte në këtë dhe e dua lirinë…”, tha Vuçiç, që vetëm pak ditë më parë reagoi nën tension ndaj deklaratës së presidentit Erdogan për Kosovën në NATO.
Ai thotë se beson se ruajtja e paqes dhe stabilitetit është vendimtare për Serbinë.
“Dëgjojmë për kërcënime nga rajoni dhe unë hesht sepse janë të parealizueshme dhe të pakuptimta”, tha presidenti serb.
“Serbia do të ruajë paqen, stabilitetin, do të kujdeset për jetën e fëmijëve të saj. Nuk kemi nevojë për konflikte por për t’u rritur”, theksoi Vuçiç. /tesheshi.com/
