Presidenti serb Aleksandër Vuçiç akuzoi qeverinë e Kosovës se nuk synon të përmbushë detyrimet e saj sipas Marrëveshjes së Brukselit.
Vuçiç deklaroi nga Nishi për gazetarët se “krerët e Kosovës gënjejnë për çdo gjë dhe nuk i nxihet fare fytyra. Këtë nuk e them vetëm unë por ma thanë edhe Federica Mogherini dhe kryeministri belg Charles Michel që erdhën në Beograd.
Vuçiç akuzoi Hashim Thaçin dhe Ramush Haradinajn në lidhje me angazhimet që kanë marrë në Bruksel dhe kritikoi Perëndimon se edhe para kësaj situate heshtin.
“Të gjitha kontratat janë të vlefshme vetëm për serbët, por ne po ecim me kujdes në një atmosferë ku të gjithë janë në luftë me ne.
Qëndrimi ynë është i vështirë, por ne po përpiqemi të fitojmë sa më shumë të kemi mundësi nga procesi për Kosovën dhe të humbim sa më pak që mundemi”, tha Vuçiç i cili deklaroi se Zajednica do të nisë sa më shpejt dhe për këtë nuk ka asnjë dyshim.
Presidenti serb, duke iu përgjigjur kundërshtarëve të tij brenda edhe jashtë qeverisë se po shitet Kosova deklaroi: “Ata që na akuzojmë se po shesim Kosovën ishin njerëzit që bënë të mundur që ne ta humbim atë në 1999-n dhe ishin ata në pushtet kur Kosova shpalli pavarësinë në 2008-n”.
Vuçiç mori pjesë në inagurimin e një fabrike shumë të madhe të një kompanie gjermane në Nish që ka premtuar hapjen e 11 mijë vendeve të punës. /tesheshi.com/
