Presidenti rus, Vladimir Putin është tauar në Moskë me homologun e tij serb, Aleksandër Vuçic dhe ka deklaruar se Serbia është një vend i vogël por krenar, dhe se Moska do ta vazhdojë ta ndihmojë.
Putin ka deklaruar se tregëtia mes dy vendeve shkon në 1.5 miliar dollarë në vit dhe është një shembull i bashëpunimit.
Presidenti rus ka deklaruar se Rusia do të mbrojë sovranitetin dhe integritetin e Serbisë, duke përmendur natyrisht Kosovën si pjesë serbe.
Por Putin ka shtuar se do të mbështesë çdo zgjidhje të ardhur nga dialogu mes Beogradit dhe Prishtinës.
Presidenti serb Aleksandër Vuçiç ka folur rusisht në takim për t’i bërë përshtypje mikut të tij të madh për t’i treguar se ai është përfaqësuesi i një sateliti të Moskës.
Pasi i ka uruar fitore në zgjedhje, Vuçiç falënderoi Putin për mbështetjen në rezolutën e OKB-së të vitit 2015 që pengoi ta quajë Srebrenicën si “genocid”.
Ndërkaq, Putin la shkuar tek pika themelore e marrëdhënies së tij me Serbinë, që e ka quajtur si pjesë kyçe e kalimit të gazit rus nëpër Europë, nga gazësjellësi Turkish Stream, i cili pritet të ndërtohet si konkurent i gazësjellësit TAP.
“Kompanitë tona po investojnë miliona në Serbi që do të ndikojnë edhe në rigjallërimin e ekonomisë dhe në rritjen e partneritetit tonë”, tha Putin, duke nxjerrë në pah qëllimin primar të vizitës së Vuçiç në Moskë.
Në këtë vizitë është vulosur përfundimisht qëndrimi i Serbisë në planin fillestar për të mos braktisur gazësjellësin rus. /tesheshi.com/
