“Unë nuk mund të fle çdo natë sepse e di se çfarë ndodh natën në veri të Kosovës, gjithçka po zien, fëmijët e moshës 12, 13 dhe 14 vjeç janë gati të vdesin dhe ne duhet ta parandalojmë këtë, ata janë të ngopur me Albin Kurtin”, tha presidenti serb leksandar Vuçiç, duke e përndezur dhe më situatën me deklarime të tilla epike.
Sipas tij, fëmijët serbë nga mosha 12-vjeçare në Leposaviq, natën mes të mërkurës dhe të enjtes “ndoqën veturat” e Forcave të Sigurisë së Kosovës dhe theksoi se “askush nuk do të vuajë” nga Forcat e Sigurisë së Kosovës.
“Është një situatë tmerrësisht e vështirë për ne, ne përpiqemi ta ruajmë paqen pothuajse me çdo kusht, por kemi të bëjmë me njerëz që nuk duan paqe me çdo kusht. Duhet të luftojmë dhe të besojmë në sensin e përbashkët. Shpresoj se Bashkimi Evropian dhe Shtetet e Bashkuara do të kenë forcë të mjaftueshme për të arsyetuar me ata që sillen në mënyrë irracionale”, tha Vuçiç, duke sajuar kështu realitete të paqena në një luftë propogandistike me Prishtinën, gjithnjë me metodikën e njohur serbe të vetëviktimizimit.
Duke folur për arrestimin e tre policëve kufitarë, pjesëtarë të Policisë së Kosovës, që ndodhi të mërkurën, dhe për të cilët Prishtina tha se janë rrëmbyer nga territori i Kosovës, Vuçiç tha se vetë Albin Kurti e ka pranuar se të arrestuarit kanë shkelur të gjitha normat e ligj ndërkombëtar.
Vuçiç kujtoi se Kurti tha se të arrestuarit ndodheshin brenda Kosovës, 300 metra nga vija administrative ndërmjet Serbisë dhe Kosovës dhe theksoi se pjesëtarët e Policisë së Kosovës nuk kanë të drejtë dhe nuk guxojnë të jenë aty sipas Marrëveshjes Ushtarako-Teknike, përndryshe sipas tij duhet të raportojnë në KFOR 36 orë përpara. /tesheshi.com/
