Kryeministri i Serbisë, Aleksandër Vuçiç, e ka falënderuar publikisht ambasadorin e Vatikanit në Beograd për mosnjohjen e pavarësisë së Kosovës.
Siç bën të ditur agjencia serbe e lajmeve Fonet, Vuçiç është takuar me nuncin apostolik të Vatikanit në Serbi, kryepeshkopin Luciano Suriani.
Në njoftimin për shtyp të zyrës së kryeministrit serb thuhet se, përveç komplimenteve për punën diplomatike, Vuçiç e ka falënderuar publikisht përfaqësuesin e shtetit të Vatikanit për mosnjohjen ende të pavarësisë së Kosovës.
“Kryepeshkopi Suriani, i përcolli kryeministrit përshëndetjet e Papa Françeskut dhe theksoi se ai erdhi në Serbi me dëshirën për të kontribuar në mirëqenien e vendit dhe kombit.
Ai vlerësoi angazhimin e kryeministrit serb për përmirësimin e marrëdhënieve në Ballkanin Perëndimor.
Vuçiç shprehu dëshirën që arqipeshkvi Suriani dhe besimtarët katolikë e protestantë serbë ta kremtojnë festën e Pashkëve sipas kalendarit Gregorian, dhe u ra dakord prania e tyre e përbashkët në Meshën e Shenjtë më 27 mars,” thuhet në njoftim. /tesheshi.com/
