Presidenti serb Aleksandar Vuçiç tha të martën se është i vetëdijshëm se Ushtria e Kosovës do të formohet më 28 nëntor, pra në Ditën e Pavarësisë, ose ndryshe Flamurit Shqiptar.
“Shqiptarët në Kosovë kanë për qëllim të Ditën e Flamurit të shqiptarëve, ta përkujtojnë me krijimin e Ushtrisë së Kosovës, në kundërshtim dhe në Kushtetutën e saj dhe të gjitha marrëveshjet ndërkombëtare”, tha ai në një konferencë shtypi pas një seance të qeverisë serbe me serbët nga Kosova..
Presidenti serb tha se shqiptarët nga Kosova duan të kufizojnë fushëveprimin e Delegacionit të tyre të Dialogut në Bruksel, duke shtruar pyetjen se “çfarë është kuptimi i dialogut?”
Vuçiç u bëri thirrje serbëve në Kosovë që të mos marrin pjesë në formimin e Ushtrisë së Kosovës.
“U bëj thirrje serbëve, publikisht dhe haptazi, për të mos marrë pjesë në formimin e Ushtrisë së Kosovës, sepse kjo ushtri është vetëm për ata, ndërsa serbët u duhen për t’i përdorur”, theksoi Vuçiç.
Ai u kërkoi serbëve të mos e ndihmojnë klasën politike të Kosovës, siç tha, në këtë punë të ndyrë.
Vuçiç edhe njëherë përsëriti se formimi i Ushtrinë së Kosovës do të çonte në destabilizimin e rajonit. /tesheshi.com/
