Presidenti dhe kryeministrja serbe, Vuçiç dhe Brnabiç, i deklaruan ambasadorit kinez në Beograd se Serbia kurrë nuk ka qenë në një situatë më të vështirë, pavarësisht thirrjeve të tyre të vazhdueshme për paqe dhe stabilitet, me një qasje serioze dhe të përgjegjshme në zgjidhjen e të gjitha problemeve.
“Hyrja e e njësisë ROSU në veri të Mitrovicës tregoi se KFOR-i dhe NATO me qëllim po çorientojë publikun”, tha Vuçiç, duke akuzuar kështu dhe forcat ndërkombëtare, pas arrestmeve të katër serbëve nga specialet e Kosovës, si të implikuar në vrasjen e Oliver Ivanoviçit.
Kryeministri Brnabiç tha se pret mbështetjen e Kinës në organizatën më të rëndësishme në botë, në OKB, për të ndëhyrë edhe ajo në cështjen e tarifimit të mallrave serbe.
Sipas mediave të Beogradit, ambasadori Li tha se Kina e kupton plotësisht atë që po ndodh në Kosovë dhe se tashmë është një skenar i mirënjohur i sulmit mbi integritetin e Serbisë.
Nga ana tjetër, presidenti Vuçiç u takua dhe me ambasadorin rus Aleksandër Chepurin se Serbia, duke i thënë se nuk ka më asnjë arsye që të ketë besim te KFOR dhe NATO në Kosovë, pas futjes së njësisë ROSU në Veri.
Sipas Vuçiçit, kjo është përpjekja më e fuqishme për të rrezikuar mbijetesën e serbëve në Kosovë dhe Metohi. /tesheshi.com/
