Pasi dështoi të shkonte në Drenicë, presidenti serb Aleksandër Vuçiç u drejtua për te serbët e Veriut, në fjalimin e pritshëm prej tij shprehu brengën nacionale, atë të natalitetit të ulët.
“Nuk po lindim sa duhet, po vdesim shumë. Po i braktisim trojet, kemi mbetur këtu më të fuqishmit. Nuk do t’ju premtoj municion dhe armatim, por ju premtoj që municionin dhe armatimin nuk do ta përdor askush. Këtë po e them që të keni shkolla dhe të rrisni fëmijë e të jetoni këtu në Kosovë”, tha Vuçiç, duke shtuar më tej se Serbia ka humbur rreth 60 përqind të territorit.
“Do të bëj gjithçka. Le të më quajnë tradhtar. Dy gjëra nuk do t’i bëj, nuk do ta gënjej popullin tim dhe nuk do të punoj kundër shtetit tim”, ishte një prej përbetimeve të Vuçiçit, para serbëve të Veriut. Ai tha se nuk është e vërtetë që do ketë ndryshim kufijsh, duke qenë kështu në një gjatësi vale me homologun Thaçi, që ndryshimit të kufijve u thotë korrigjim. /tesheshi.com/
