Presidenti Vuçiç e quajti kryeminstrin të pritje të Kosovës, Albin Kurtin, si një kërcënim për serbët.
Në një intervistë për Prva TV, kreu i shtetit serb iu referua një deklarate të kreut të VV-së se do të zgjidhë problemin më të madh të Prishtinës – praninë e Serbisë në Veri, teksa u shpreh se “unë nuk dua të përgjigjem me fjalor fyes. Mund të them vetëm se nuk do mund të rrezikojë serbët”.
Gjithashtu, presidenti serb foli për një situatë në rajon që sipas tij ka tension, e kjo shfaqet te një garë armatimi mes vendeve.
“Ne shohim se kush po armatos edhe shqiptarët në Kosovë dhe çfarë helikopterësh po tregtohen nga Mali i Zi. Po monitorojmë nga afër gjithçka”, tha presidenti serb, duke kaluar me gjykimin e tij në një plan më global.
“Të gjithë po armatosen në botë – nuk ka më një polic global dhe ka shumë lojtarë.
“Të gjithë kujdesen për veten e tyre. Nuk ka më unitet, siç ishte kur 19 vende pushtuan Serbinë dhe të gjithë po shohin se si të mbrohen. A do të jetë ky një burim konflikti në të ardhmen …Ne nuk duhet të jemi të dobët”, tha Vuçiç.
Ai vlerësoi idenë e një “Shengeni ballkanik”, duke thënë se ishte një mënyrë për të ruajtur paqen në rajon.
“Unë jam gjithmonë i shqetësuar dhe ne po bëjmë gjithçka mundemi për të parandaluar destabilizimin në rajon. Iniciativa e Novi Sadit me Shqipërinë dhe Maqedoninë Veriore është shumë e rëndësishme për ne pasi është gjithashtu një nismë paqeje dhe politike, por edhe ekonomikisht e rëndësishme”, tha Vuçiç. /tesheshi.com/
