Presidenti i Serbisë, Aleksandër Vuçiç, ka hedhur akuza në drejtim të autoriteteve në Prishtinë se po shkojnë nëpër mjediset serbe dhe po i blejnë të rinjtë serbë për të shkuar në ushtrinë e Kosovës.
“Ata nuk po shkojnë vetëm në jug, po shkojnë edhe në veri për të na i blerë të rinjtë tanë. Thonë, ja kaq i ke para të gatshme, bëju pjesë e ushtrisë”, citon “Veçernje Novosti” të ketë thënë Vuçiç.
Ai më tej ka shtuar se nuk ka dashur të reagojë në vërejtjen e zyrtarit amerikan Wess Mitchell se ushtria e Kosovës, në të cilën do të ketë edhe serbë, nuk do të jetë kërcënim për Serbinë.
“Vërtet? Në territorin e Serbisë të formohet ushtria e huaj në të cilën të përfshihen edhe serbët. Çfarë, si në kohën e Austro-Hungarisë e të Turqisë, që serbët të vriten me serbë?”, ka pyetur Vuçiç.
Kujtojmë se është pikërisht partia e minoritetit serb, Lisa Serbe e cila është e dirixhuar nga Beogradi që po bllokon formimin e ushtrisë së Kosovës. /tesheshi.com/
