Është vetëm 5 vjeç por peshon që tani 76 kilogramë. Misael Abreu është tre deri në katër herë më i shëndoshë se fëmijët e tjerë të moshës së tij.
Sipas mjekëve, fëmija vuan nga sindroma e Prader-Willi, një sëmundje që i sjell uri të jashtëzakonshme. Veç se është mbi peshë, Misael vuan edhe nga një patologji e bllokimit të frymëmarrjes, e cila rrezikon seriozisht jetën e tij.
Si pasojë e sëmundjeve, i vogli duhet të ndjekë një terapi që përfshin një dietë të mirëpërcaktuar dhe të paktën 40 minuta ecje çdo ditë. Për fat të keq, Misael vijon të rritet, duke shtuar rreth dy kilogramë çdo muaj. /tesheshi.com/
