Pas miratimit të ligjit për gjuhën shqipe, partia e Nikolla Gruevskit u kërkon mbështetësve të saj të dalin në rrugë në protesta të forta.
Në rrjetet sociale të mbështetësve të VRMO-DPMNE-së është bërë thirrje për protesta masive dhe bllokim të rrugëve në shumë pjesë të Maqedonisë.
“Sinjalizo miqtë, të bllokojmë rrugët, të dalin gjithë nga shtëpitë, për Maqedoninë, shpërndajeni masivisht”, theksohet në disa nga mesazhet e lëshuara.
Ndërkaq, disa portale të afërta me VMRO-DPMNE kanë publikuar shkrime se do të ketë reagime të forta qytetare.
Tani, pas këtyre thirrjeve pritet qëndrimi zyrtar i kreut të ri të VMRO-DPMNE, i cili dje ka deklaruar se do të padisin penalisht kryetarin e Kuvendit të Maqedonisë, Talat Xhaferri. /tesheshi.com/
