Një tjetër punonjës i OSHEE-së ka humbur jetën pasi është qëlluar me armë zjarri. Viktima është Saimir Jaku, shef sektori në drejtorinë qendrore të Tiranës, I cili ka mbajtur më parë postin e drejtorit të tensionit të lartë në zonën e veriut.
Pra nuk është fjala për një elektriçist të thjeshtë
Ngjarja e rëndë ka ndodhur në Rrëshen, në orët e para të ditës së sotme, por detajet ende nuk dihen.
Pak javë më parë, një elektriçist humbi jetën në Shkodrë, pasi u qëllua me thikë nga një person në gjendje të dehur, i cili nuk kishte paguar energjinë. Prej kohësh, që kur nisi aksioni për pagesën e energjisë, punonjësit e OSHEE-së kanë qenë në shenjëstër të sulmeve të ndryshme, nganjëherë dhe me humbje jete. /tesheshi.com/
