Një person është vrarë në veriun e Mitrovicës konkretisht në rrugën “Car Dushan” rreth orës 5 e 30 të mëngjesit. Viktima dyshohet se është shtetas i Serbisë, nga qyteti i Krushevcit.
Rastin për “KosovaPress” e ka konfirmuar komandanti i stacionit policor në veri të Mitrovicës, Zhelko Bojiq.
“Ajo që mund të konfirmoj deri më tani është se në trupin e viktimës vërehen plagë. Policia është në vendin e ngjarjes”, tha Bojiq.
Edhe zëvendësi i tij Besim Hoti konfirmon rastin duke thënë se dyshohet se bëhet fjalë për vrasje pasi që ka gjak në pjesën e barkut. Sipas Hotit, ende nuk dihet për identitetin e tij pasi që viktima nuk ka dokumente me vete. /tesheshi.com/
