Forcat izraelite qëlluan për vdekje sot në mëngjes një palestinez me pretendimin se ai po e drejtonte mjetin e tij drejt ushtarëve izraelitë.
Ngjarja ndodhi në një vendqëndrim autobusi pranë një ngulimi izraelit në Bregun Perëndimor. Vrasja e sotme pason ato të tre palestinezëve të tjerë gjatë ditës së djeshme, dy prej të cilëve u qëlluan në protesta.
Vrasjet e fundit e kanë çuar në 100 numrin e palestinezëve të vrarë që nga fillimi i tetorit. Ndërsa më shumë se 800 palestinezë janë arrestuar gjatë dy muajve të fundit, siç njoftoi dje ministri izraelit i Mbrojtjes, Moshe Yaalon.
Në incidentin e sotëm në rrethinat e Jerusalemit mbetën të plagosur lehtë dhe dy ushtarë izraelitë.
Tensionet dhe dhuna kulmuan muaj më herët, kur forcat ushtarake dhe policore izraelite nisën të përplaseshin me protestuesit palestinezë që po ngrinin zërin kundër bastisjeve izraelite në xhaminë el-Aksa.
Përpjekjet për uljen e tensioneve kanë rezultuar të pafrytshme, dhe e dështuar qe në këtë kontekst dhe një vizitë e sekretarit Amerikan të Shtetit, John Kerry-t. /tesheshi.com/
