Një 24-vjeçar shqiptar ka mbetur i vrarë në orët e para të ditës sotme, në Itali.
Mediat italiane bëjnë me dije se ngjarja ka ndodhur në Monza, ku shqiptari është ekzekutuar në makinën e tij. Edhe pse ai është dërguar në spital, nuk ka mundur që t’iu mbijetojë plagëve të marra.
Shoku i tij, në polici ka dëshmuar se ata po qëndronin në makinë, ndërsa drejt tyre ka ardhur një tjetër automjet, nga i cili është qëlluar me breshëri. Plumbat kanë goditur viktimën, emri i të cilit nuk bëhet publik.
Lidhur me ngjarjen, policia italiane ende nuk ka dhënë ndonjë pistë të saktë, megjithëse dyshon se ekzekutimi mund të ketë lidhje me ndonjë larje hesapesh. /tesheshi.com/
